اوکراینا اوردوسو، تورک سیها قوللاندی
روسیا یانلیسی آیریلیقچیلارین قوللاندیغی بیر هویتزر، بایراکتار تب۲ سیها ایله وورولدو
اوکراینا سلاحلی گوجلری، دونباسدا روسیا یانلیسی آیریلیقچیلارین ایستیفاده ائتدیگی بیر هویتزری، بایراکتار تب۲ سیها ایله ووروما گؤرونتولرینی پایلاشدی.
اوکراینا سلاحلی گوجلرینین فیسبوک حسابیندان وئریلهن آچیقلامادا، روس یانلیسی آیریلیقچیلارین هویتزرلرله آتیشکسی پوزدوغو و نتیجهده بیر اوکراینا عسگرینین حیاتینی ایتیردیگی، ۲ عسگرین یارالاندیغی بیلدیریلدی.
آچیقلامادا، آوروپادا گوونلیک و امکداشلیق تشکیلاتی اؤزل نمایندهسی واسطهسی ایله قونو ایله باغلی اعتراض یازیسی گؤندریلمهسینه باخمایاراق، هئچ بیر نتیجه الده ائدیلمهدیگی بیلدیریلن آچیقلامادا، آیریلیقچیلاری آتیشکسه مجبور ائتمک اوچون بایراکتار تب۲ سیهانین ایلک دفعه قوللانیلدیغی بیلدیریلدی.
آچیقلامادا اوکراینا سلاحلی گوجلرینه عاید سیهانین تماس خطینی گئچمهدیگی و گۆدوملو موشک قوللاناراق آیریلیقچیلارا عاید بیر هویتزری یوخ ائتدیگی بیلگیسی پایلاشیلدی.
۲۰۱۳.جو ایل نوامبر آینین ۲۱ینده دؤنمین جمهورباشقانی ویکتور یانوکوویچین آوروپا بیرلیگی اورتاقلیق آنلاشماسینی ایمضالاماماسیندان سونرا باشکند کیئوده گؤستریلر باشلامیشدی.
یانوکوویچ، گؤستریلرین بؤیومهسی ایله ۲۰۱۴.جو ایلین فوریه آییندا اؤلکهدن قاچدیقدان سونرا اؤلکهنین دوغوسونداکی دونباس بؤلگهسینین دونتسک و لوگانسک شهرلرینده روسیا یانلیسی آیریلیقچیلار سؤزده قوندارما باغیمسیزلیقلارینی اعلان ائتمیشدی.
۲۰۱۴.جو ایلدهن بری آیریلیقچیلارلا کیئو حکومتی آراسیندا داوام ائدن چاتیشمالاردا ۱۳ میندن چوخ اینسان یاشامینی ایتیردی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.