گوترش: افغانستاندا وضعیت کنترلدان چیخیر
"اؤزللیکله ده افغانستانلی قیز اوشاقلاری و قادینلارین چتین قازانیلمیش حاقلارینین اللرین‌دن آلیندیغینا دایر خبرلر گؤرمک دهشت و کدر وئریجی"
بیرلشمیش ملتلر باش کاتبی آنتونیو گوترش، افغانستاندا وضعیتین "کنترلدان چیخدیغی" اویاریسی ائد‌رک طالبانا سالدیریلارینا سون وئرمه‌سی و مذاکره‌لره دؤنمه‌سی چاغریسی ائتدی.
گوترش، افغانستانین یئنی‌دن "خائوسا دوغرو گئتدیگی" اویاریسی ائتدی.
یالنیز سون بیر آیدا اؤزللیکله هلمند، قندهار و هرات‌دا مین‌دن چوخ انسانین چاتیشمالار اوزون‌دن حیاتینی ایتیردیگینی سؤیله‌یه‌ن گوترش، افغانستان گوجلری و طالبان آراسین‌داکی شهرلره سیچرایان چاتیشمالارین وطنداشلارا بؤیوک ضرر وئردیگینی ایفاده ائتدی.
گوترش،
"افغانستان کنترلدان چیخیر. طالبانا سالدیریلارینا سون وئرمه و افغانستان خالقینین چیخارلاری اوچون یاخشی نیتله مذاکره‌لره دؤنمه چاغریسی ائدیره‌م" دئدی.
وطنداشلارا قارشی سالدیریلارین اولوسلارآراسی انسانی حقوق پوزونتوسو اولدوغونو و ساواش سوچو تشکیل ائتدیگینی ایفاده ائد‌ن گوترش، طالبانین کنترلو آلتین‌داکی بؤلگه‌لرده اؤزللیکله قادینلارین و ژورنالیستلرین هدف آلینماسینین و انسان حاقلارینا دایر جدی قیسیدلامالارین "سون درجه راحاتسیز ائدیجی" اولدوغونو سؤیله‌دی.
گوترش،
"اؤزللیکله ده افغانستانلی قیز اوشاقلاری و قادینلارین چتین قازانیلمیش حاقلارینین اللرین‌دن آلیندیغینا دایر خبرلر گؤرمک دهشت و کدر وئریجی" دئیه دانیشدی.
