ایران و عراقدان، آمریکا سالدیریسینا تپکی
"آمریکانین ائتدیکلری کسینلیکله بؤلگهدهکی ثابتلیگی پوزماقدادیر. استقرارسیزلیغین قوربانلاریندان بیری ده آمریکانین اؤزو اولاجاق"
ایران، آمریکا بیرلشمیش دؤولتلرینین عراق-سوریه سرحدینده ایران دستکلی گولره تشکیل ائتدیکی هاوا سالدیریسینین بؤلگهدهکی ثابتلیگی پوزدوغونو بیلدیردی.
ایران خاریجی ایشلر باخانلیغی سؤزچوسو سعید خطیبزاده، باشکند تهراندا تشکیل ائتدیگی هفتهلیک مطبوعات کنفرانسیندا آمریکانین عراق-سوریه سرحد بؤلگهسینده ایران دستکلی گوجلره عاید تاسیسلره تشکیل ائتدیگی هاوا سالدیریسی ایله باغلی دانیشدی.
آمریکانین یئنی رهبرلیگینین یالنیز ایرانا قارشی تحریملر قونوسوندا دئییل بؤلگهدهکی دیگر مسئلهلرله باغلی دا اؤزوندن اؤنجهکی باشقان دونالد ترامپ حکومتینین سیاستلرینی ایزلهدیگینی ادعا ائدن خطیبزاده،
"آمریکانین ائتدیکلری کسینلیکله بؤلگهدهکی ثابتلیگی پوزماقدادیر. استقرارسیزلیغین قوربانلاریندان بیری ده آمریکانین اؤزو اولاجاق" دئدی.
عراق حکومتی ده آمریکانین عراق-سوریه سرحدیندهکی حشدالشعبی میلیسلرینه قارشی سالدیریسینین عراقین اگمنلیگینی پوزدوغونو و بونو رد ائتدیکلرینی آچیقلادی.
آمریکا بیرلشمیش دؤولتلری ساوونما باخانلیغی(پنتاگون) سؤزچوسو جان کربی، آمریکا بیرلشمیش دؤولتلری باشقانی جو بایدنین تاپشیریغی ایله ائدیلن هاوا عملیاتینین ساوونما آماجلی اولدوغونو سؤیلهمیشدی.
عراقدا حشدالشعبییه باغلی کتائب سیدالشهدا میلیس قروپو، سالدیریدا ۴ منسوبونون اؤلدوگونو آچیقلادی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.