ایراندا سئچیم
سئچیملره قاتیلیمین آز اولاجاغی و خالقین بؤیوک بؤلومونون بایکوت ایستهگینده اولدوغو یوروملاری وار
ایراندا خالق، ۱۳.جو جمهورباشقانلیغی سئچیملری اوچون بو گون صاندیق باشینا گئدیر.
ایران ایچایشلری باخانلیغی سئچیم مرکزینین بیلگیلرینه گؤره، تخمیناً ۸۳ میلیون جمعیته صاحب اؤلکهده، ۵۹ میلیون ۳۱۰ مین ۳۰۷ سئچیجی سس وئرهبیلهجک.
سئچیم نتیجهلری ایله ایلگیلی ایلک بیلگیلرین گئجه یاریسیندان اعتباراً آچیقلانماغا باشلانماسی، یارین گوناورتایا قدر نتیجهلرین دقیقلشمهسی گؤزلنیلیر.
نامیزدلیکلری تصدیقلنهن ۷ نفردن محافظهکار ملت وکیلی علی رضا زاکانی، اسکی ملی گوونلیک یوکسک شوراسی باش کاتبی و نوکلئر باشمذاکرهچی سعید جلیلی ایله رفورمیست اسکی جمهورباشقانی کؤمکچیسی محسن مهرعلیزاده سئچیم یاریشیندان چکیلدی.
بونا گؤره محافظهکار نامیزدلر اسکی سپاه اوردوسو باشچیسی و نظامین مصلحتینی تشخیص شوراسی باش کاتبی محسن رضایی، ملت وکیلی امیر حسین قاضیزاده هاشمی، یارغی ارکی باشقانی ابراهیم رئیسی و رفورمیست اسکی مرکز بانکی باشقانی عبدالناصر همتی جمهورباشقانلیغی اوچون یاریشیر.
ایراندا جمهورباشقانی ۴ ایل مدتله وظیفه یئرینه یئتیریر و بیر نفر ان چوخ ۲ دفعه اوست اوسته بو مقاما سئچیله بیلیر. جمهورباشقانی حسن روحانی بو سببله نامیزد اولا بیلمهدی.
نامیزدلرین ایلک دؤورده سئچیله بیلمهسی اوچون یوزده ۵۰+۱ اوی آلماسی لازیمدیر. ایلک دؤورده یوزده ۵۰+۱ین اوزرینه چیخان نامیزد اولماماسی حالیندا ان چوخ اویو آلان ۲ نامیزد ایکینجی دؤوره قالاجاق و قازانان اؤلکهنین ۸.جی جمهورباشقانی اولاجاق.
رفورمیستلرین وتوسو سببی ایله محافظهکار نامیزد ابراهیم رئیسینین سئچیملری ایلک دؤورده قازانماسینا و ۸.جی جمهورباشقانی اولماسی قطعی گؤرولور.
سئچیملره قاتیلیمین آشاغی اولاجاغی و خالقین بؤیوک بؤلومونون بایکوت ایستهگینده اولدوغو یوروملاری وار.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.