ایسراییل-ین دمشقه هاوا ضربه‌سی ائندیردیگی ایره‌لی سورولوب
بشار اسد رژیمی ایسراییل-ین سوریه-نین پایتاختی دمشقه هاوا هوجومو تشکیل ائتدیگینی ایره‌لی سوروب.
بشار اسد رژیمی ایسراییل-ین سوریه-نین پایتاختی دمشقه هاوا هوجومو تشکیل ائتدیگینی ایره‌لی سوروب.
اسد رژیمی‌نین خبر آژانسی "سانا" حربی قایناغا اساسلاندیردیغی خبرینده ایسراییل-ین یئرلی واختلا ساعات 22:16-دا ایشغال آلتینداکی جولان تپه‌لری ایستیقامتیندن دمشق شهر مرکزینین اطرافینداکی رژیمه مخصوص بیر سیرا نقطه‌لره هاوا ضربه‌لری ائندیردیگینی ادعا ائدیب.
خبرده اؤلوم اولوب اولمادیغی یاخود املاکا زیان دییب دیمه‌دیگی باره‌ده معلومات وئریلمه‌ییب: "هاوا هوجوموندان ساوونما سیستم‌لریمیز دوشمن راکت‌لری ایله قارشی‌لاشدی و اکثریتینی دوشوردو".
مؤوضوع ایله باغلی ایسراییل طرف‌دن هئچ بیر آچیقلاما وئریلمه‌ییب.
قئید ائدک کی، پایتاخت دمشق-ده رژیم اوردوسون‌دان باشقا، سپاه پاسداران-نین بویروغونداکی خاریجی ترور قروپلاشما‌لارینا عایید حربی پست‌لار دا وار.
اسد رژیمی ایسراییل-ین 15 فوریه‌ده دمشقه، 4 فوریه‌ده اؤلکه‌نین گونئی ینده‌کی قنیطره ویلایتینه، 13 ژانویه‌ده سوریه-نین دوغوسونداکی دیرالزور ، 7 ژانویه‌ده دمشق-ین گونئی‌ینده، 30 دسامبر 2020-جی ایلده دمشق-ین باتی اراضی‌لرینده‌کی نبی هابیل بؤلگه‌سینه هاوا ضربه‌لری ائندیردیگینی ایره‌لی سورموشدو.
