"لیبی-یه موداخیله" صلاحیتی رسمن محاربه اعلانی‌دیر
لیبی مجلیسی میصر پرزیدنتی عبدالفتاح السیسی یه"لیبی-یه موداخیله" صلاحیتی وئرن قانونو تصدیقله‌ین میصر مجلیسینه رئاکسیا وئردی.
لیبی مجلیسی میصر پرزیدنتی عبدالفتاح السیسی یه"لیبی-یه موداخیله" صلاحیتی وئرن قانونو تصدیقله‌ین میصر مجلیسینه رئاکسیا وئردی.
لیبی مجلیسیندن ائدیلن یازیلی شرحده بیلدیریلیر: "میصر پارلامئنتی‌نین مجلیس قیلیغینا بورونن (توبروک نماینده‌لر مجلیسی) و لیبی قبیله‌لریندن اولدوق‌لارینی ادعا ائدن‌لرین غیری-قانونی دعوتینه "اساس‌لانان" قرارینی تامامیله رد ائدیریک.
بوتون اؤلکه‌لری میصر مجلیسی‌نین قرارینی قیناماغا چاغیریریق.
لیبی حکومتی بو تهدیده سیاسی و پراتیک اولا‌راق جاواب وئرمک اوچون حاضیرلیق‌لی‌دیر و اویغون قارشی‌لیغی وئرمک اوچون هر واریانتی قیمتلن‌دیره‌جک.
لیبی میصرین میللی تهلوکه‌سیزلیگینی تهدید ائتمیر کی، پارلامئنتی حربی موداخیله فیکرینه دوشسون."
لیبی-نین ایچ ایشلر ناظیری فتحی باش آغا میصر مجلیسی‌نین السیسی یه "لیبی-ی موداخیله" صلاحیتی وئرمه‌سینی "محاربه اعلانی" آدلاندیریب و توییتردن پایلاشدیغی شرحده یازیب: "میصر پارلامئنتی‌نین سلاحلی قوه‌لرینی باتی سرحدی‌نین خاریجینه (لیبی-یه) گؤندرمک اوچون وئردیگی قرار لیبی-یه بیر دؤیوش اعلانی، عرب بیرلیگی و بیرلشمیش میللت‌لر تشکیلاتی موقاویله‌لری‌نین پوزولماسی‌دیر. سرحدلریمیز داخیلینده خاریجی بیر گوج دوشمن ساییلیر. میللتیمیزین اگمنلیگی، تهلوکه‌سیزلیگی و آزادلیغینی مودافعه‌دن واز کئچمه‌یه‌جییک."
