ظریف: "موساد ساختا معلومات‌لار چیخاریر"
ظریف، بیرلشیک عرب امرلیک‌لری‌نین فوجیرا لیمانی یاخینلیغیندا 4 تیجارت گمیله ائدیلن سالدیری ایله علاقه‌دار ایسرائیل کشفیات سرویسی موسادین "ساختا معلومات چیخاردیغینی" ایفاده ائتدی
ایران خاریجی ایشلر ناظیری محمد جواد ظریف، بیرلشیک عرب امرلیک‌لری‌نین فوجیرا لیمانی یاخینلیغیندا 4 تیجارت گمیله ائدیلن سالدیری ایله علاقه‌دار ایسرائیل کشفیات سرویسی موسادین "ساختا معلومات چیخاردیغینی" ایفاده ائتدی.
ظریف، توئیتر ائتدیگی آچیقلامادا، آغ ائو میللی امنیت موشاویری جان بولتون، " یالانجی چوبان" اولاراق آدلاندیرراراق موسادین اونا، " غلط معلومات‌لاری" وئردیغینی سؤیله‌دی.
ایران خاریجی ایشلر ناظیری، بولتونون 4 تیجاری گمییه ائدیلن سالدیرینین آرخاسیندا ایرانین اولدوغونا دایر دلیل‌لرین بیرلشمیش میللت‌لر تشکیلاتی‌نین امنیت شوراسینا تقدیم ائدیله‌جگینه دایر آچیقلاما ایله باغلی بو قیمتلندیرمه‌نی ائتدی:
" ب قروپونون یالانجی چوبانی، یئنه ده یالان‌دان هارای چکیر: موساد، ایرانین فوجیراداکی سابوتاژدا ایشتیراک ائتدیگی باره‌ده یالان معلومات وئردی. بونون اولاجاغینی بیلیریک.
داها اوّل‌لر ' فاجیعه‌لر و ساختا بایراق تلاشلاری اولاجاغی باره‌ده من خبردار ائتمیشدیم.
سیز اونلارین یالان‌لارینا ایناندیغینزیدا، نلر اولاجاغینی بیلیریک. داها اوّل بو اویونو گؤرمدیک می؟ "
ظریف، آغ ائو میللی امنیت دانیشمانی جان بولتون، ایسرائیل باش ناظیری بینیامین نتانیاهو، سعودی عربیستانی ولیعهد شاهزاده‌سی محمد بن سلمان و ابوظبی ولیعهد شاهزاده‌سی محمد بن زایدی ترامپین "ب تیمی" اولاراق آدلاندیریر.
جان بولتون، اؤتن هفته بیرلشیک عرب امرلیک‌لری‌نه سفر زامانی ائتدیگی آچیقلامادا، 12 می‌ده فوجیرا لیمانی یاخینلیغیندا 2 سعودی عربیستانین گمی‌سی اولان 4 گمییه سالدیرینین آرخاسیندا ایران اولدوغونو ادعا ائتدی و بمت-نین تقدیم ائتدیگی دلیل‌لری تقدیم ائتدی.
