یزیدیلرین روحانی لیدری میر تحسین بیک اؤلدو
آلمانیانین هانوفر شهریندکی اؤزل بیر خستهخانادا بیر مدتدیر معالیجه گؤرن میر تحسین بگ، بؤیرک چاتیشمازلیغی سببیندن اؤلدو
یزیدیلرین روحانی لیدری میر تحسین بیک، 86 یاشیندا اؤلدو.
آلمانیانین هانوفر شهریندکی اؤزل بیر خستهخانادا بیر مدتدیر معالیجه گؤرن میر تحسین بگ، بؤیرک چاتیشمازلیغی سببیندن اؤلدو.
یزیدی دین آدامینین جنازهسی عراقین موصول شهرینه گؤندریلهجک.
موصول شیخان منطقهسینه باغلی بدری کندینده 1933-جی ایلده آنادان اولان میر تحسین بیک، 1944دن بو یانا یزیدیلرین روحانی لیدری.
دونیادا تخمینن 800 مین اهالییه مالیک دینی بیر توپلولوق اولان یزیدیلر، اکثریتی عراقین موصول شهری باشدا اولماقلا، سوریه، تورکیه، گورجوستان و ارمنیستاندا یاشاییر.
ترور تشکیلاتی داعشین 2014ده عراقین ایکینجی بؤیوک شهری موصولداکی اله کئچیرمهسیندن سونرا یزیدیلر، تورکیه ایله یاناشی، آلمانیا و دیگر آوروپا اؤلکهلرینه کؤچ ائتدی.
یزیدیلیکده؛ یهودی، خریستیانلیق و ایسلامدا یولدان چیخدیغی و پیسلیگین سمبولو اولدوغونا اینانیلان ایبلیس آدلی ملکین مقدس و یاخشی بیر ملک اولدوغونا اینانیلیر.
یزیدیلر، "تانری طرفیندن سئچیلمیش" بیر خالق اولدوقلارینا اینانیر.