سوریهده، جیش الایسلام لیدری و باشمذاکرهچیسی محمد علوش ایستعفا ائتدی
ژنوه دانیشیقلارین تکرار نه واخت باشلایاجاغی ایسه هله بیلینمیر
سوریهده، جیش الایسلام (ایسلام اوردوسو) لیدری و مخالیفلرین یاراتدیغی مذاکیره یوکسک کومیتهسی (میک) هیاتینین باشمذاکرهچیسی محمد علوش ایستعفا ائتدی.
محمد آللوش قرارینا سبب اولاراق، اؤلکهسینده 5 ایلدن اوزون مدتدیر داوام ائدن ایچ ساواشینین سونا چاتماسی مقصدیله حیاتا کئچیریلن باریش دانیشیقلارینین اوغورسوز اولماسینی گؤستردی.
ژنوده بیرلشمیش میللتلر تشکیلاتینین (بمت) دستگی ایله حیاتا کئچیریلن دانیشیقلاری "زامان ایتکیسی" اولاراق خاراکتریزه ائدن آللوش، دانیشیقلارین پروبلمه سیاسی بیر حل گتیرمدیگینی، محاصره آلتیندا یاشایان سوریهلیلر حیات شرطلرینی ده آسانلاشدیرمادیغینی ایفاده ائتدی.
ژنو دانیشیقلارین تکرار نه واخت باشلایاجاغی ایسه هله بیلینمیر.
مذاکیره یوکسک کومیتهسی، کئچن آی، باریش دانیشیقلارینا قاتیلیمینی تاخیره آلمیشدی.
بیرلشمیش میللتلر تشکیلاتی سوریه خصوصی نمایندهسی استفان دی میستورا، اؤموموزدکی 2-3 هفته ایچینده دانیشیقلاری باشلاماق کیمی بیر پلانی اولمادیغینی سؤیلهدی.
سوریهده مارس 2011-جی ایلده رژیم علیهداری گوناها باشلایان ایچ ساواشیندان، بو آنا قدر 280 مین نفر اؤلوب، میلیونلارلا اینسان دا ائولرینی ترک ائتمک مجبوریتینده قالدی.