مودافعه ناظیرلیگی جبهه‌دکی سون وضعیتله باغلی معلومات یایدی
مودافعه ناظیرلیگیندن وئریلن معلوماتا گؤره، دؤیوش عملیات‌لاری اساساً جبهه‌نین خوجاوند، فضولی و قوبادلی ایستیقامت‌لرینده داوام ائدیب.
یئنی اینسانی آتشکس رژیمینه رعایت ائتمه‌ین ائرمنیستان سلاحلی قوه‌لرینین بؤلمه‌لری اوکتبرین 26-سی گون عرضینده و 27-نه کئچن گئجه جبهه‌نین موختلیف ایستیقامت‌لرینده آذربایجان اوردوسو بؤلمه‌لری‌نین یئرلشدیگی موضع لری و جبهه بویو زونایا یاخین یاشاییش منطقه‌لریمیزی موختلیف سلاح‌لاردان آتشه توتوب.
مودافعه ناظیرلیگیندن وئریلن معلوماتا گؤره، دؤیوش عملیات‌لاری اساساً جبهه‌نین خوجاوند، فضولی و قوبادلی ایستیقامت‌لرینده داوام ائدیب. هوجوم ائتمک جهدلری‌نین قارشی‌سی آلینان دوشمن ایتکی وئره‌رک گئری اوتوردولوب.
آذربایجان اوردوسونون کئچیردیگی فعالیت‌لر نتیجه‌سینده ائرمنیستان سلاحلی قوه‌لرینین 18-جی موتواتیجی دیویزیاسی‌نین اؤن ایدارائتمه منطقه‌سی محو ائدیلمیش‌دیر. اؤلن‌لر آراسیندا دیویزیانین قرارگاه رئیسی سرهنگ سرگئی شاکاریان دا وار.
جبهه‌نین موختلیف ایستیقامت‌لرینده دوشمن‌ین خیلی سایدا جانلی قوه‌سی، ائله‌جه ده 1 عدد T-72 تانکی، 4 عدد D-30 و 3 عدد D-20 توپو، 1 عدد" Osa-AKM" ZRK ، 1 عدد BM-21 گراد یایلیم آتش‌لی رئاکتیو سیستمی و 6 عدد اتومبیل تکنیکاسی محو ائدیلیب و سیرا‌دان چیخاریلیب.
حاضردا قوشون‌لاریمیز عملیات شرایطینه نظارت ائدیر.
ایلگیلی‌لی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر
