شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر
آذربایجانین تاریخی و طبیعی گؤزل‌لیکلری ایله مشهور اولان شکی شهرین‌ده‌کی خان سارایی، توریستلرین ان چوخ گزیب گؤردوگو اثرلرین باشیندا گلیر.
آذربایجان اورتا چاغ معمارلیغینین اؤنملی اثرلرین‌دن اولان و بیرلشمیش میللتلر تشکیلاتینین تحصیل، بیلیم و مدنیت هؤرگوتو (یونسکو) طرفین‌دن ۲۰۱۹.جو ایلده دونیا کولتور میراثی لیستینه آلینان شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر.
شکی خانلیغینین قوروجوسو حاجی چلبی خانین تورونو محمدحسین خان موشتاق طرفین‌دن ۱۷۶۲.جی ایلده یاز ایقامتگاهی اولاراق تیکیله‌ن سارایین چئوره‌سی، سورلارلا احاطه اولونموش‌دور. دیوارلارین آرخاسین‌دا اورمانلا اؤرتولموش داغلار سیرالانیر.
اؤلکه‌ده‌کی ۹ گونلوک بایرام تعطیلینی فورصت گؤره‌ن یئرلی توریستلرین ترجیح ائتدیگی یئر شکی اولدو.
شکی خان سارایی دا باکی‌دان و دیگر ولایتلردن توریستلرین آخینینا اوغرادی.
