جیهون بایراموو و سرگئی لاوروو آراسیندا تلفون دانیشیغی اولوب

2020 -جی ایلین 17 اوکتبر تاریخینده آذربایجان خاریجی ایشلر ناظیری‌نین تشببوسو ایله جیهون بایراموو و روسیانین خاریجی ایشلر ناظیری سرگئی لاوروو آراسیندا تلفون دانیشیغی باش توتوب.

آذربایجان خاریجی ایشلر ناظیرلیگی‌نین معلوماتینا گؤره، ناظیر جیهون بایراموو روسیا‌لی همکارینا آذربایجانین گنجه شهرینه ائرمنیستان سلاحلی قوه‌لری طرفیندن اینسانی آتشکس‌دن سونرا ایکینجی دفعه منفور راکت هوجومونون حیاتا کئچیریلدیگینی بیلدیریب. راکت آتشی‌نین سیویل اها‌لی آراسیندا آغیر ایتکی‌لره سبب اولدوغونو سؤیله‌ین ناظیر، بو محاربه جینایتی‌نین مسئولیتی‌نین ائرمنیستان رهبرلیگی‌نین اوزرینده اولدوغونو وورغولاییب.

روسیانین خاریجی ایشلر ناظیری سرگئی لاوروو دا هانسی شرایطده اولورسا اولسون سیویل لرین تلفاتی‌نین قبول ائدیلمز اولدوغونو بیلدیریب. او، وسکوا گؤروشو زامانی راضیلاشدیریلمیش اینسانی آتشکسه رعایت ائدیلمه‌سی‌نین واجیب‌لیگینی وورغولاییب. آتت-ین مینسک قروپونون همصدرلری‌نین واسیطه چی‌لیگی ایله بازا پرینسیپ‌لری اساسیندا ماهیت اوزره دانیشیق‌لارا باشلانیلماسی‌نین ضروری‌لیگی قئید اولونوب.

قئید ائدکی کی، آذربایجان جمهوریتی و ائرمنیستان جمهوریتی اوکتبرین 18-ی یئرلی واختلا ساعات 00:00-دان اعتباراً موقتی اینسانی آتشکسه راضی‌لیق وئریب.

آذربایجان خاریجی ایشلر ناظیرلیگی‌نین مطبوعات خیدمتی ایداره‌سی‌نین معلوماتینا گؤره، بو قرار آتت-ین مینسک قروپونون همصدر اؤلکه‌لرینی تمثیل ائدن امریکا، فرانسا و روسیا‌نین پرزیدنت‌لری‌نین 2020-جی ایل 1 اوکتبر، آتت-ین مینسک قروپونون همصدرلری‌نین 5 اوکتبرتاریخ‌لی بیانات‌لارینا اساساً و 2020-جی ایلین 10 اوکتبر تاریخ‌لی مسکوا بیاناتینا اویغون اولا‌راق قبول ائدیلیب.