ائرمنی تخریباتی نتیجه‌سینده هلاک اولان سیویل لرین سایی آچیقلانیب

ائرمنی تخریباتی نتیجه‌سینده اؤلن و یارا‌لانان آذربایجانین سیویل وطنداش‌لاری‌نین سایی آچیقلانیب.

آذربایجان دادستانی نین مطبوعات خیدمتی‌نین معلوماتینا گؤره، سپتامبرین 27-دن حاضیرکی واختادک ائرمنی‌لرین یاشاییش منطقه‌لرینی آتشه توتماسی نتیجه‌سینده 42 سیویل شخص هلاک اولوب، 206 نفر یارالانیب.

بوندان باشقا، 241 دوولت ایداره سی و 1479 یاشاییش ائوی، 66 چوخ مرتبه‌لی یاشاییش بیناسی یارا‌سیز حالا دوشوب.

قئید ائدک کی، آذربایجان اوردوسو ائرمنیستان اوردوسونون سیویل یاشاییش منطقه لرینه آتش آچماسی اوزرینه 27 سپتامبردا عکس-هوجوم باشلادیب. موضع لرینی ایتیرن ائرمنیستان اوردوسو آذربایجانان سیویل یاشاییش منطقه‌لرینه توپ و راکت‌لرله هوجوم‌لارینی داوام ائتدیریب.

ائرمنیستان و آذربایجان روسیانین پایتاختی مسکوا-دا کئچیریلن گؤروش‌لرده 10 اوکتبر 2020-جی ایل تاریخینده یئرلی ساعاتلا 12:00-دان قوه‌ده اولا‌جاق شکیلده داغلیق قاراباغ-‌داکی جنازه‌لرین و اسیرلرین موبادیله‌سینی نظرده توتان اینسانی مقصدلی آتشکس قبول ائتمیشدی.

ائرمنیستان اوردوسونون آتشکس قراری‌نین اوزریندن 24 ساعات کئچمه‌دن آذربایجانین گنجه شهرینه راکت‌لرله هوجومو نتیجه‌سینده 10 سیویل وطنداش هلاک اولوب، 35 نفر ایسه یارالانیب.