Livanda uramdağı açu tuqtamıy / Ливaндa урaмдaгы aчу туктaмый
Livan xökümäte Beyruttağı şartlawdan soñ uramnarğa taşıp çıqqan açuğa artıq çıdıy almadı. Baş ministr Hassan Diyab: “Yäşängän fäläqät citäkçelektäge xronik korrupśiyanıñ näticäse”, - dip äytte. Soñınnan xökümätneñ wazıyfadan kitüen İlbaşı Mişäl Gaunğa tapşırdı. Diyabtan yaña xökümät tözelgänçegä çaqlı wazıyfasın başqaruı soraldı.
Wazıyfadan kitü qararına qaramastan protestçılar rizasızlıq çaralarına däwam itte.
“Baş ministr Hasan Diyabnıñ wazıyfadan kitüe uramdağı açunı tuqtatmadı. Xäzerge mizgeldä protestçılar Parlament aldındağı divarnı uzarğa tırışa.”
İminlek köçläre protestçılarğa qarşı gaz bombasın qullandı.
Xökümätneñ wazıyfadan kitüennän soñ şartlaw belän bäyle tikşerü wäqaläte Ğadälät Şurasına birelde.
200 keşeneñ ğomere özelgän faciğädä yaralanuçılar sanı 6 meñnän arttı. Êzläw-qotqaru törkemnäre tağın 5 keşeneñ cansız bädänenä ireşte.
Şartlawdan soñ Livannıñ yaraları beterelergä tırışıla. Berläşkän Millätlär Oyışması Ğomum särkätibe Antoniu Guterreş: “Livanğa mömkin bulğan här räweştä yärdäm itärgä däwam itäçäkbez”, - dip äytte.
Kanada da 30 million dollar yärdäm kürsätäçägen belderde.
