İzrail qabat fälästinlelärne "qua"

İzrail armiyäse Räfax şähäre häm Ğazzä sızığınıñ tön’yağındağı şaqtıy töbäktä fälästinlelärneñ bilgelängän “imin cirleklär”gä kitülären taläp itte.

İzrail armiyäseneñ matbuğat särqatibe Aviçay Adrai “X” sośial’ media platformasınnan “Xamas”qa höcüm başlanaçağın citkerde. Şul säbäple tınıç xalıqnı küçenergä çaqıralar.

Räfax şähäreneñ könçığışındağı Şabbura häm Räfax lager’ları, İdari, Äl-Cäninä häm Xırbät Ads şikelle mäxällälärgä sıyınğan fälästinlelärgä xäzer ük Äl-Mävasi töbägenä kitärgä quşalar. İzrail wäqalätlese Ğazzä sızığınıñ tön’yağındağı Cibaliya töbäge, Sälam, Nur, Tel Zatär, Bäyt Laxiya, Cibaliya lagerı, İzbät Mällin, Ravda, Nuzxä, Äl-Cärin, Naxda häm Zuxur mäxällälärendä yäşäwçelärgä dä şähärneñ könbatışına küçenergä kiräklegen äytä.

Aviçay Adrai tön’yaqtağı fälästinlelärgä timerçıbıqlı çitännärgä yaqınlaşunıñ tıyıluın citkerde.

Belderüdä buşaltılırğa tiyeşle urınnarnıñ kartası da birelä.