BMO Ğomum şurası AQŞnıñ Qudüs-Yerusalimne İzrail başqalası itep tanu qararın kire qaqtı

Berläşkän Millätlär Oyışması ğomum şurası Amerika Quşma Ştatlarınıñ Qudüs-Yerusalimne İzrail başqalası itep tanu qararın kire qaqtı.

Trampnıñ Qudüs-Yerusalim qararın yuqqa çığaruçı ölge küpçelek tawış belän qabul itelde. Tawışqa quyuda 128 il uñay, 9 il tiskäre tawış birde. 35 il isä bitaraf qaldı.

Tawışqa quyudan soñ çığış yasawçı Tışqı êşlär ministrı Mäwlüt Çavuşoğlu: "Bu qarar Qudüs-Yerusalimneñ Fälästin başqalası buluın raslawçı tarixi qarar," – dip äytte.

Trampnıñ Qudüs-Yerusalim qararın yuqqa çığaruçı ölgeneñ BMO Ğomum şurasında iñ zur küpçelek belän qabul itelüe Änkarada qanäğätlelek belän qarşılandı.

İlbaşı Räcäp Tayyip Ärdoğan: “Tramp citäkçelegeneñ taliğsız qararınnan waz kiçüen kötäbez”, - dip äytte.