Germaniya däwlät başlığı Törkiyägä kilä

Germaniya däwlät başlığı Frank-Val’ter Ştaynmayer 22-24 aprel’ könnärendä Törkiyägä säfär yasayaçaq.

Germaniya İlbaşı idaräsennän yasalğan yazmaça belderügä kürä älege säfär ike il arasındağı diplomatik mönäsäbätlär başlanuınıñ 100 yıllığı uñayınnan çınğa aşaçaq.

Däwlät başlığı Ştaynmayernıñ bu säfär yärdämendä ike il arasındağı yaqın mönäsabätlärne assızıqlarğa, ayıruçda da Germaniyadä yäşäwçe millionnarça törek keşeseneñ tormış xikäyäläre häm uñışların täqdir itärgä teläwe citkerelde.

Törkiyägä berençe tapqır kiläçäk Frank-Val’ter Ştaynmayer İstanbul, Gaziantäp häm başqala Änkarada bulaçaq. Ul êş, fän, sänğat’, ädäbiyat, sport dairäläre häm ictimağıy oyışma wäkilläre belän küreşäçäk.

Germaniya prezidentı 24 aprel’ könne isä Törkiyä ilbaşı Räcäp Tayyip Ärdoğan belän başqalada söyläşü ütkäräçäk.

Qunaq däwlät başlığı şulay uq Anıtqabergä barıp, Törkiyä Cömhüriyäten qorğan Atatörek mavzoleyına çäçäk quyaçaq.