İstanbulda Törkiyä-Greśiyä forumı

İstanbulda Törkiyä-Greśiyä media akademiyäse forumı oyıştırıldı. Anda Törkiyä ilbaşı apparatınıñ cämäğat’çelek belän êlemtä idaräse citäkçese Fäxrettin Altun çığış yasadı. Ul mondıy oçraşularnıñ soñğı çorda yaxşı kürşelek häm dialog nigezendä üseşkä ireşkän törek-grek mönäsäbätlären tağın da köçäytäçägenä, nığıtaçağına häm tiränäytäçägenä ışanuın äytte. Altun forumnıñ illärgä häm xalıqlarğa, watandaşlarğa zur fayda kiteräçägenä ömetlänüen dä citkerde.

“Greśiyä xökümäte räise Kiryakos Miśotakisnıñ 13nçe may, düşämbe könne ilebezgä yasayaçaq säfäreneñ ikeyaqlı mönäsäbätlärebezne nığıtu nisbätennän bik ähämiyätle buluın, citdi forsat buluın uylıybız. Kiläse çorda regional’ häm global’ krizislarğa qarşı berdäm çişeleşlär tabu mömkinlekläreneñ ar’yağına çığu öçen barlıq şartlar tudırıldı. Törkiyä häm Greśiyä mönäsäbätläre iq’tisad, iminlek, sälamätlek, êkologiya, mäğarif, media, êlemtä, sośial’ iminlek, mädäniyat-sänğat’, säwdä häm turizm şikelle bik küp tarmaqta bik näticäle xezmättäşlek mömkinleklärenä iyä,”-dip söyläde Altun.

Ul ike aradağı problemalarnı öçençe yaqlar tügel, üzara söyläşep xäl itärgä kiräklegenä dä basım yasadı.