Kon'ya niçek üzgärde?

Kon'ya - Üzäk Anadolu şähäre. Ul, ber ük waqıtta, Mäwlananıñ (Rumi) mämläkäte. 11nçe häm 13nçe ğasırlar arasında Anadolu Sälcükle imperatorlığınıñ başqalası bulğan Kon'ya ğasırlar buyı bik küp däwlätlärne kürä.

Kon'ya borınğı miras belän axırğı 20 yılda barlıqqa kilgän arxitektur şedevrlarnıñ küz yawın aluçı qatnaşmasına iyä. Sälcükle imperatorlığınıñ mähabätlegennän, Ğosmanlı yoğıntısına häm zamança üzgäreşlärgä qadär här çor şähär küreneşendä üz êzen qaldırdı. Äytik, Sälcüklelär tözegän Alaêddin mäçete, simvolik Ğosmanlı qorılmalarınnan berse - Aziziyä mäçete, yäisä küz yawın aluçı başqa bik küp binalar - bu êzlärneñ qayberläre. Kon'yada, şul uq waqıtta, Awrupanıñ iñ zur qoyaş ênergiyäse stanśiyase dä urnaşqan. Ob'yektta yılda 3 million kilovatt säğat' êlektr citeşterüçe 3 million qoyaş panele bar. Bu 2 million keşeneñ êlektrğa ixtiyacına cawap birä häm yaqınça yartı million dollar bäyäsendäge qazılma yağulıqqa tiñ. Xakimiyät bu bay mirasnı saqlaw mäs'äläsendä ähämiyätle rol' uynıy, bu tırışlığın ber ük waqıtta zamança binalar, asqorma êşläre häm matur parklar belän nığıta.

İlbaşı Räcäp Tayyip Ärdoğan yaqınlaşuçı cirle xakimiyät saylawları öçen uzdırılğan miting waqıtında Kon'ya şähären êlekkege häm yaña Törkiyä arasındağı ayırmanı kürsätüçe iskitkeç ürnäk dip atadı.

AK partiyädän Uğur İbrahim Altay 2019nçı yılğı cirle saylawlarda tawışlarnıñ 70%tan artığın alğan ide. Bu saylawlarda da anıñ qabat ciñüe kötelä.