İkrimä Sabri Törkiyä ilbaşın maqtadı

“Äl-Aqsa” mäçete imam xatıybı häm êlekke Qodüs häm Fälästin möftiye Şäyex İkrimä Sabri Parlamentlarara Qodüs platformasınıñ 5nçe konferenŝiyasendä yasağan çığışı öçen Törkiyä ilbaşı Räcäp Tayyip Ärdoğannı maqtadı.

Qodüs yuğarı İslam wäkillege räise Şäyex İkrimä Sabri yazmaça belderü yasap: “Törkiyä ilbaşınıñ döres yulda bulğan uñay totışların täqdir itäbez. Bu totışlar Fälästin däwasınıñ ğadellegenä ışanuçı yöräktän kilä,” – dide.

Şäyex Sabri Törkiyäneñ Fälästin däğwasına qarağan diplomatik häm media tarmağında başqarğan êşçänleklärneñ möhim buluına iğtibarnı cälep itep, Fälästin xalqınıñ xoquqların häm “Äl-Aqsa” mäçeteneñ İslami statusın saqlawçı adımnarnı arttırırğa çaqırdı.

Fälästin xalqına qarağan höcümne tuqtatu häm İzrailne genoŝid suğışınnan kire çigenderäçäk İslam berlegen barlıqqa kiterü öçen ğaräp häm İslam dön’yasın Törkiyä belän xezmättäşlek başqarırğa çaqırğan Şäyex Sabri İzrailneñ Fälästin xalqına qarşı bu suğışında Amerika Quşma Ştatları häm Könbatışnıñ çiksez yärdämennän faydalanuına basım yasadı.

Şäyex Sabri ğaräp häm İslam illäreneñ İzrailgä yärdäm kürsätüçe illärgä härtörle basımnı yasaw kiräklegen belderep, dön’yanıñ här poçmağında Fälästin xalqına teläktäşlek maqsatı belän çara oyıştıruçı xalıqlarnı sälamläde.