Kurtulmuş Aziyä parlamentariyläre assambleyası cıyılışında qatnaştı

Törkiyä parlamentı başlığı Kurtulmuş Aziyä parlamentariyläre assambleyasınıñ 14nçe Ğomum şurasınıñ Azärbaycan başqalası Baqıdağı cıyılışında qatnaştı.

Numan Kurtulmuş İzrailneñ Ğazzädä däwam itkän ütereşlärenä reakśiya kürsättä.

Fälästin mäs’äläseneñ “Xamas”nıñ 7nçe oktyabrdäge höcüme belän başlamawına, İzrailneñ Fälästin cirlären yawlap alu barışı belän başlawına basım yasawçı Kurtulmuş: “1948nçe yıldan birle häm xätta 1967nçedän birle, qızğanıç, bu mäs’äläne êçtän yandırğan, zuraytqan barış yäşände”, - dide.

Kurtulmuş İzrail höcüme astındağı Ğazzädä däwam itüçe keşelek cinayäteneñ keşelek tarixınıñ iñ awır sınawlarınnan berse buluın äytte.

“Ğazzä sızığın tulısınça qamap alğan İzrail Baş ministrı Binyamin Netanyahu häm bandası anı çolğap qına almadı, canlı xäräkät itkän närsä bulsa barısın da utqa totıp, yuq itep, zur keşelek cinayäten êşlärğä däwam itte, däwam itä, - dip belderde.

 Törkiyä Böyek Millät Mäclese başlığı: “Aziyä parlamentariylär assambleyası belän bergä böten xalıqara oyışmalarnıñ şuşı keşelek dramasına tawışsız qalmawın ömet itäm”, - dip äytte.