Ärdoğan: “Bäysez Fälästin däwläteneñ tözelüe tınıçlıq öçen şart”

Ärdoğan başqala Änkarağa säfär belän kilgän Fälästinle wazıyfadaşı Mähmüd Abbas belän İlbaşı qolliyätendä oyıştırğan urtaq matbuğat oçraşuında çığış yasadı.

Ärdoğan Berläşkän Millätlär Oyışması parametrları nigezendä 1967nçe yıldağı çiklärendä başqala Könçığış Qodüs bulğan bäysez Fälästin däwläteneñ tözelüeneñ böten töbäkneñ tınıçlığı häm totrıqlılığı öçen şart buluın belderde.

"Fälästin däğwasına yaqlawıbıznı iñ köçle räweştä däwam itteräbez”, - dip äytüçe Ärdoğan töbäktäge täräqqıyätlärne yaqınnan küzätep baruların bilgeläp uzdı.

Ärdoğan: “Könnän-kön artuçı ülemnärdän, cimerülärdän, qanunsız (yähüd) toraqlarınıñ kiñäyüennän häm kilep urnaşuçılarnıñ qırıslığınnan bik borçılabız. Töbäktä ğadel häm daimi tınıçlıqnıñ berdänber yulı ike däwlätle çişeleş yulın yaqlawdan uza. Äl-Äq’sa mäçete belän bergä izge urınnarnıñ tarixi status-kvonıñ üzgärtelüenä qağılışlı ğamällärne dä qabul itüebez mömkin tügel”, - dip äytte.

Mäxmüd Abbas ta, Ramallahta ber mäydanğa İlbaşı Ärdoğan isemeneñ quşıluın belderep, qarar turındağı sertifikatnı Ärdoğanğa tapşırdı.