Xaqan Fidannıñ telefon diplomatiyäse

Türkiyä tışqı êşlär ministrı Xaqan Fidan Amerika Quşma Ştatları däwlät särqatibe Êntoni Blinken belän telefon aşa söyläşte.

Räsmi çığanaqlardan alınğan mäğ’lümatlarğa qarağanda, äñgämädä NATOnıñ kiñäyüe, ittifaqnıñ Vil’nyusta uzaçaq liderlar sammitı, Süriyädä BMO çik ar’yağı yärdäm mexanizmnarınıñ waqıtın ozaytu häm Ukrainadağı soñğı täräqqıyät’lär xaqında süz bardı.

Xaqan Fidan Kanada tışqı êşlär ministrı Melani Djoli belän dä telefonnan söyläşte. Djoli Fidannı yaña wazıyfası belän täbrik itte.

Söyläşüdä NATOnıñ kiñäyüe häm ikeyaqlı mönäsäbätlär turında fiker alıştılar.