Türkiyä-Finlyandiya-Şveśiya-NATO cıyılışı

Türkiyä İlbaşı idaräse baş kiñäşçese, tulı wäqalätle ilçe Akif Çağatay Kılıçnıñ qabul itüendä İlbaşı qolliyätendä ütkärelgän cıyılış yaqınça 3 säğät däwam itte.

Cıyılışta NATO wäkillege başlığı bularaq NATO Ğomum särkätibeneñ Kabinet citäkçese Stian Jenssen, Şveśiya wäkillege başlığı bularaq Şveśiya tışqı êşlär ministrlığı däwlät särkätibe, tulı wäqalätle ilçe Jan Knutsson häm Finlyandiya wäkillege başlığı bularaq ta Finlyandiya tışqı êşlär ministrlığı daimi däwlät särkätibe Jukka Salovaara qatnaştı.

Cıyılışta Şveśiyanıñ öç yaqlı memorandumda bulğan yöklämäläre cähätennän yasağan adımnarı tikşerelde. Şveśiyada 2023nçe yılnıñ 1nçe iyün’ könne ğamälgä kergän yaña qanunnar cıyılması belän bergä terrorçılıq belän köräştä kürelüçe çaralarnıñ terror oyışmalarınıñ Şveśiyadağı êşçänlegenä çağılışı anıq ürnäklär nigezendä söyläşelde.

Öç yaqlı memorandumda terkälgän yöklämälärneñ tormışqa aşırıluında ireşelgän alğarışlar quzğatılğan cıyılışta qatnaşuçılar Daimi urtaq mexanizmnıñ ähämiyätenä basım yasadı.

NATO Ğomum särkätibe Yens Stoltenberg ta 15nçe-16nçı iyün’däge NATO saqlanu ministrları cıyılışı aldınnan yasağan matbuğat belderüendä Änkaradağı cıyılışnıñ konstruktiv atmosferada uzuın, berniqadär alğa kiteşneñ buluın äytte.

Stoltenberg Şveśiyanıñ äğ’za bularaq raslanuı mäs’äläsendä êşlärgä däwam itäçäklären belderde.

Äğ’zalek mäs’äläsendä kalendar-plannı täq’dim itä almawına basım yasawçı Stoltenberg:

"Şveśiya (yöklämälären) ütäde. Töp qanunğa (Konstituśiyağa) üzgäreşlär kerttelär, terrorçılıq belän köräş qanunın nığıttılar häm Türkiyägä qoral êksportı çikläwlären ğamäldän çığardılar. Şveśiyanıñ Türkiyä belän kileşelgännär aşa tağın da kübräk närsä êşläp bulu mäs’äläsen söyläşüen qanäğätlelek belän qarşılıym. Mäsälän, bu atnada “PKK” bäyläneşle ber keşeneñ qaytarıluı turında süz bardı. Bu häm terrorçılıq belän köräş cähätennän yaxşı häm dä Şveśiyanıñ oyışqan cinayätçelek belän köräş tırışuları yağınnan yaxşı. Çönki bu törkemnär kübesençä ber-berse belän bäyläneşle. Şveśiyada oyışqan cinayätçelektä qatışqannar belän Türkiyädäge terror ğamällärendä qatnaşuçılar yış qına ber ük keşelär. Şveśiyanı iñ yaqın waqıtta äğ’za itep qabul itü öçen êşlärğä däwam itäçäkbez,” – dip äytte.

Rusiyäneñ Ukrainağa höcüm itüennän soñ NATOğa äğ’za bulu öçen möräcäğät itkän Şveśiya häm Finlyandiya belän Türkiyä arasında uzğan yılnıñ 28nçe iyün’ könne İspaniya başqalası Madridta oyıştırılğan NATO sammitında Türkiyäneñ borçıluların beterügä yünältelgän öç yaqlı memorandumğa qul quyılğan ide.

Türkiyä borçıluların betergän Finlyandiyanıñ NATO äğ’zalegen raslağan bulsa, terrorçılıqnı yaqlağan Şveśiyanı veto itä.