"Türkiyä tarixınıñ berençe iñ zur açışın yasadıq"

Törkiyä ilbaşı Räcäp Tayyip Ärdoğan ber televideniye kanalındağı programmada qatnaştı.

Däwlät başlığı ilneñ baylıqların millät belän büleşü öçen tırışlıq quyuların citkerep bolay dide: “Könbatış Qara diñgezdäge neft’ häm tabiğıy gaz êzläw êşçänleklären xäzer Urta häm Könçığış Qara diñgezdä däwam itteräbez. Ayıruça Ordu häm Kastamonu su kiñleklärendä tığız zondaj êşläre bara. Neft’ mäs’äläsendä dä Gabardağı Şähit Esma Çevik isemendäge mäydanda êzläw häm zondaj êşçänleklären arttırdıq. Aña yaqın urında isä Türkiyä tarixınıñ berençe iñ zur açışın yasadıq. Bu mäydanğa Şähit uqıtuçı Aybüke Yalçın isemen birdek. Biredä yaña zondajlar belän bergä könenä 100 meñ miçkä neft’ citeşteräçäkbez. Bu – iskitkeç baylıq. Bügen neft’ êzlängän tawlarda êlektän terrorçılar bar ide. Alar arqasında mondıy êşçänleklärne başqarıp bulmıy de.”