Ärdoğan Slovakiya xökümäte räisenä şifa teläde

Törkiyä ilbaşı Räcäp Tayyip Ärdoğan Slovakiya xökümäte räise Robert Fiśoğa qarata höcümne ğayepläde häm aña tizräk sixätlänü teläde. Ul sośial’ media akkauntı aşa citkergän belderüendä bolay di: “Slovakiya xökümäte räise Robert Fiśonı yawızlarça üterergä mataşunı kisken ğayeplim, höcümdä yaralanğan möxtäräm Fiśoğa şifa telim. Slovakiya xalqına häm xökümätenä ilem häm millätem isemennän iñ izge teläkläremne citkeräm”.

Robert Fiśo kiçä ministrlar kabinetı utırışınnan soñ höcümgä duçar buldı. Yaralanğan xökümät räisen xastaxanägä saldılar. Höcümçe êläkterelde.