"Süriyä xalqın keşeçä cibärik"

Ministr Çavuşoğlu Türkiyäneñ bügenge köndä kiñ geografiyagä cäyelgän global’ uyınçı buluın, Törkiyä ilbaşı Räcäp Tayyip Ärdoğan liderlığında totrıqlı räweştä yulın däwam itterüen citkerde.

“Dön’ya 5tän zurraq, yaña tärtipneñ qorıluı öçen tırışabız. Çönki bügenge tärtip citärsez, bu tärtip dön’yanıñ ömetlärenä, qıyınlıqlarına çara tügel, problemalarnı çişä almıy, krizislarnı uzdıra almıy, keşelekneñ kötkännären qanäğat’länderä almıy,” – dide ministr.

Dön’yanıñ här poçmağında danlı Türkiyä bayrağın cilferdätülären assızıqlağan Çavuşoğlu tübändägeçä däwam itte: “Türkiyä terrorçılıqnı poçmaqqa qıstırdı, suğışlarda, bäreleşlärdä tınıçlıq urnaştıru öçen aradaşçılıq başqardı. Türkiyä böyek Törki dön’yanı Törki Däwlätlär Oyışması tüşäme astında berläşterde. Qawemdäşlären dön’yanıñ här cirendä yalğız qaldırmadı.”

Türkiyäneñ dön’yada xozur, tınıçlıqnıñ urnaşuı öçen aradaşçılıq ürnäge täşkil itüen beldergän Mäwlüt Çavuşoğlu Rusiyä başqalasında Rusiyä, İran, Süriyä häm Türkiyä tışqı êşlär ministrlıarınıñ oçraşıp Süriyädäge problemanı beterü, süriyälelärneñ illärenä imin räweştä qaytuları öçen tırışlıq quyuların xäterlätte.

Süriyädäge terrorçılıqnıñ çistartıluı häm Türkiyädäge süriyälelärneñ imin räweştä illärenä qaytuları zarurlığın äytkän ministr: “Äye, süriyä xalqın cibärik läkin keşe kebek keşelekle räweştä cibärik. Töreklärgä kileşäçäk itep cibärik,” – dide.