Sudandağı Türkiyä ilçelege bäreleşlär urtasında qaldı

Türkiyäneñ Sudandağı ilçelek binası bäreleşlärneñ urtasında qaldı. İrtänge säğat’lärdä uzdırılğan operaśiyä belän annan keşelärne êvakuaśiyälädelär. Xezmätkärlär ilçelek rezidenśiyäsenä iltelde. Bu xaqta tışqı êşlär ministrı Mäwlet Çavuşoğlu Antaliyada belderü yasadı.  

“Sudan suverenlıq şurası räise häm armiyä komandirı, general Abdülfättax äl-Burxan belän armiyäneñ yärdäme näticäsendä ilçelegebezneñ xezmätkärläre, bigräk tä, iminlek saqçıların, operaśiyä uzdırıp ilçelektän çığardıq. Çönki bäreleşlär uramda bara. Allah ber ilne dä bu xälgä töşermäsen,”-dip söyläde Çavuşoğlu. Ul Liviyädä dä şundıy uq waqıyğalarnıñ bula aluın xäterlätte. “Bez Liviyädä balanslarnı üzgärtmäsäk, bügen Tripoli uramnarı da şundıy uq bulır ide. Bu suğışnı tuqtatu öçen dä tırışabız,”-dide Türkiyä tışqı êşlär ministrı.