"Türkiyä – Rusiya-Ukraina suğışında tınıçlıq ömete”

Türkiyä tışqı êşlär ministrı Mävlüt Çavuşoğlu üzeneñ Twitter akkauntında “Türkiyä – Rusiya-Ukraina suğışında tınıçlıq ömete” isemle yazma urtaqlaştı.

Ul anda “Rusiya – Ukraina suğışı : Türkiyäneñ tırışlıqları , bezneñ gumanitar häm täêsirle tışqı säyäsät” yullaması astında  2022 nçe yılnıñ 24 nçe fevralennän birle däwam itkän suğışta Türkiyäneñ iniśiativaları häm tırışlıqları turında yazdı.

Çavuşoğlu Türkiyäneñ tırışlığı belän global’ azıq-tölek krizisınıñ kisätelüen äytte.

Ministr suğış başlanğannan soñ ike il tışqı êşlär ministrlarınıñ Antaliya diplomatiya forumında berençe tapqır oçraşuların citkerde.

Çavuşoğlu Türkiyä ilbaşı Räcäp Tayyip Ärdoğan ximayäsendä söyläşü wäkilleklären İstanbulda qabul itülären xäterlätte. “Bez Berläşkän Millätlär Oyışması belän İstanbul aşlıq kileşüen tormışqa aşırdıq. Global’ azıq-tölek krizisın buldırmadıq” dide ul.

Mävlüt Çavuşoğlu bilgeläp uzğança, alar Ukraina belän Rusiya arasında totqınnar belän almaşunı täêmin ittelär, Rusiya däwlät atom ênergiyäse oyışması (ROSATOM) belän Xalıqara atom ênergiyäse agentlığı (UAFA) arasındağı êlemtälärne ciñeläyttelär.

Türkiyä tışqı êşlär ministrı Mävlüt Çavuşoğlu Montrö kileşüen cirenä citkerep ütäwlären dä assızıqladı.