Sudannan êvakuaśiyä däwam itä

Türkiyä tışqı êşlär ministrı Mäwlet Çavuşoğlu Sudan Operativ yärdäm köçläre törkeme komandirı Möxämmät Xamdan Dagalu belän telefon aşa söyläşep, törek watandaşların êvakuaśiyäläw prośessı xaqında fiker alıştı.

Türkiyä milli saqlanu ministrlığı da törek watandaşların çığaru öçen kitkän häm, ciñel qoraldan ut açılğan oçqıçnı da kertep, ike C-130 törendäge oçqıçnıñ isän-imin räweştä Sudannan qaytuın belderde.

Port Sudannan kütärelgän häm 101 keşene utırtqan tağın ber xärbi êvakuaśiyä oçqıçı kiçä säğat’ kiçke 7dä İstanbul aêroportına töşep utırdı.  Saqlanu ministrlığınıñ sośial’ media akkauntında yazılğança, şulay itep êvakuaśiyä operaśiyäseneñ Port Sudan öleşe tögällände

İsegezgä töşeräbez, Sudannıñ başqalası Xartum häm başqa şähärlärdä 15nçe aprel’ irtäsendä armiyä belän Operativ yärdäm köçläre arasında qorallı bäreleşlär başlandı. Bu älege suğışçan törkemneñ tulısınça armiyä sostavına kerüen küzallawçı xärbi iminlek reforması mäs’äläsendä soñğı berniçä ayda barğan añlaşılmawçanlıqnıñ näticäse.

Sudan sälamätlek saqlaw ministrlığı älege bäreleşlärdä 512 keşeneñ ülüen, 4 meñ 193 keşeneñ yaralanuın belderde. Bik küp il, şul isäptän Türkiyä, AQŞ, Qıtay, Rusiyä, Angliyä, Franśiyä häm Soğud Ğaräbstanı, watandaşların qorı cir, diñgez häm hawa yulı belän Sudannan êvakuaśiyäläwne däwam itä.