Çavuşoğlu: “Törki däwlätlär oyışması xıyal ide, çınğa aştı”
Türkiyä Tışqı êşlär ministrı Mäwlüt Çavuşoğlu sośial’ media akkauntınnan: "Törki däwlätlär oyışması xıyal ide, çınğa aştı,” – dip yazdı
Ministr Çavuşoğlu “Twitter” akkauntınnan: “Törki däwlätlär oyışması - êşlekle, humanitar häm täêsirle tışqı säyäsätebez” yullaması belän Törki däwlätlär oyışmasınıñ üseş barışın häm moña qağılışlı bäyäläwlären urtaqlaştı.
Çavuşoğlu 2009nçı yılda tözelüen äydäp barğan Törki Şuranı 2021nçe yıldağı İstanbul sammitında Törki däwlätlär oyışmasına äyländerülären belderde.
Ministr Çavuşoğlu Üzbäkstannıñ tulı äğ’za, Vengriya (Macarstan) belän Törekmänstannıñ küzätüçe äğ’za buluı belän ğailä mäclesen tağın da kiñäytülärenä basım yasadı.
Türkiyäneñ 2022nçe yıldağı çirattağı räislege waqıtında Tön’yaq Kipr Törek Cömhüriyäteneñ konstituśion iseme häm bayrağı belän Törki däwlätlär oyışmasınıñ küzätüçe äğ’zase buluın xäterlätüçe Çavuşoğlu: "TÜRKPA, TÜRKSOY, Xalıqara törki akademiya belän Xalıqara törki mädäniyät häm miras waqıfın oyışma qaramağına cıydıq,” – dip äytte.
Oyışma qarşında üzäge İstanbulda bulaçaq Törki investiśiya fondın tözülären iskärtep uzuçu Çavuşoğlu: "Zur köç köndäşlege tizlängän däwerdä tamırlarıbız bulğan geografiyabız (cirlärebez) belän mönäsäbätlärebezne tağın da arttıraçaqbız,” – dip bäyäläw yasadı.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä
