“İMÄCÄ” ğalämgä cibärelde

“TÜBİTAK” Türkiyä fänni häm texnik tikşerenülär oyışmasınıñ “UZAY” (Ğaläm) törkeme tarafınnan proyıktlanğan häm qamilläşterelgän “İmäcä” AQŞnıñ Kaliforniya ştatındağı Vandenberg ğaläm köçläre bazasınnan Türkiyä waqıtı belän 09.47dä uñışlı räweştä oçırtıldı.

Türkiyä ilbaşı Räcäp Tayyip Ärdoğan “İMÄCÄ”neñ ğalämgä cibärelüe uñayınnan oyıştırılğan tantanada video yullama belän qatnaştı.

İlbaşı: “İlebezneñ berençe yuğarı rezolyuŝiyale iyärçenen Türkiyä Ğasırı”nıñ xäbärçese bularaq zur ğorurlıq belän ğalämgä ozattıq,” – dide.

680 çaqrım biyıklektä qoyaşqa sinxron orbitaga keräçäk “İmäcä” isäplänelgän wazıyfa waqıtı bulğan 5 yıl buyı maqsatnı diagnostikalaw, bilgeläw, tabiğıy afat, awıl xucalığı êşçänlege kebek bik küp ölkädä xezmät biräçäk.

İyärçen cir şarınıñ teläsä qaysı poçmağınnan sürät töşerä alaçaq.