Törkiyä wäqalätleläre İrannıñ qayğısın urtaqlaşa

İrannıñ 8 nçe ilbaşı İbrahim Räisi häm tışqı êşlär ministrı Xösäyen Ämir Abdullahiyannıñ boralaq hälakätendä ğomere özelü nisbätennän Törkiyä räsmi zatları qayğı belän urtaqlaşa.

Törkiyä Böyek Millät Mäclese başlığı Numan Kurtulmuş sośial’ media akkauntında tübändägelärne yazdı: “Faciğada ğomeren yuğaltqan İran ilbaşı İbrahim Räisigä Allahtan yarlıqaw sorıym, ğailäseneñ, İran xalqınıñ qayğısın urtaqlaşam. Şulay uq hälakättä ğomere özelgän tışqı êşlär ministrı Xösäyen Ämir Abdullahiyannıñ häm bütän marxümnärneñ yaqınnarınıñ qayğısın urtaqlaşam”.

”Ğadellek häm üseş” partiyäse ğomum başlıq urınbasarı häm partiya süzçese Ömär Çälikneñ sośial’ media akkauntındağı belderüendä İran ilbaşı, tışqı êşlär ministrı häm alarnı ozatuçı delegaśiyäneñ boralaq hälakätendä ğomerlären yuğaltuına tirän qayğı citkerelde. “İran däwläte häm xalqınıñ qayğısın utaqlaşabız” diyelä belderüdä.

Törkiyä ilbaşı urınbasarı Cäwdät Yılmaz, ilbaşı idaräseneñ êlemtä bülege başlığı Fäxrettin Altun da İran ilbaşı, tışqı êşlär ministrı häm alarnı ozata baruçılarnıñ boralaq hälakätendä ülüe nisbätennän İran xalqınıñ, däwlateneñ häm märxümnärneñ yaqınnarınıñ qayğısın urtaqlaştılar .