Gebreyesus zilzilä töbäklärenä bardı

Bötendön’ya sälamätlek saqlaw oyışması ğomum mödire Tedros Adxanom Gebreyesus Türkiyädä cir teträw töbägendä qır xastaxanälären häm çatır şähärlären barıp qaradı häm wäqalätlelärdän mäğ’lümat aldı.

Gebreyesus 6nçı fevral’dä bulğan Kaxramanmaraş zilzilälärennän soñ törek xalqına teläktäşlegen kürsätü, mediśina wäqalätleläre, xezmätkärlär häm zıyan kürüçelär belän oçraşu öçen kiçä Gaziantäpkä kilde. Anı bu säfärendä Bötendön’ya sälamätlek saqlaw oyışmasınıñ Awrupa regionı mödire Xans Kluge da ozatıp yörde.

Gebreyesus bügen isä Xataynıñ Qırıqxan rayonında Bel’giyä qorğan qır xastaxanäsenä bardı häm sälamätlek saqlawçılar belän oçraştı.

 “Milli mediśina qotqaru komandalarınıñ (UMKE) yaqın xezmättäşlege mine tañ qaldıqdı,”-dide ul.

Gebreyesus Twitterda älege säfäre belän bäyle fotoräsem häm videolar urtaqlaştı. “Bu awır krizis waqıtında bergä êşläwçe barlıq belgeçlärgä räxmät,”-dip yazdı ul.