Blinken Anıtqabergä bardı
AQŞ däwlät särqatibe Anıtqaberneñ istälek däftärenä dä yazu qaldırdı
Amerika Quşma Ştatları däwlät särqatibe Êntoni Blinken başqala Änkarada Türkiyä cömhüriyätenä nigez salğan Mostafa Kämal Atatörekneñ mavzoleye Anıtqabergä bardı.
Kaxramanmaraş zilzilälärennän soñ ul Türkiyägä yasağan êşlekle säfäre qısalarında ilbaşı Räcäp Tayyip Ärdoğan häm tışqı êşlär ministrı Mäwlet Çavuşoğlu belän oçraştı. Alar bergä Anıtqabergä barıp mavzoleyğa çäçäklär quydı.
Blinken soñınnan Anıtqaber istälek däftärenä bolay dip yazdı:
“Törek däwläte häm Böyek yulbaşçı Mostafa Kämal Atatörekkä xörmätemne belderüem belän ğorurlanam. Zur afät kiçergän bu çorda strategik xezmättäşebez häm NATO berlektäşebez Türkiyägä teräk bulğan waqıtta bügen biredä Amerika xalqın wäkillek itüem öçen üzemne üzençälekle xis itäm. Cömhüriyätneñ tuuınnan bügengä qadär xalıqlarıbız arasında bulğan bäyläneş, bigräk tä iskitkeç awır xäsrätle bu könnärdä, tirän, nıq häm köçle”.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä
