Awrupadan Türkiyägä yärdäm törkemnäre cibärelde
Awrupadan Türkiyägä yärdäm törkemnären cibärgän il sanı 21gä citte
Türkiyädäge cir teträwlärdän soñ 21 Awrupa ilennän 30 êzläw-qotqaru häm mediśina törkeme zilzilä töbäklärenä yünälderelde, 11 törkem Türkiyägä kilep citte.
Awrupa Berlege komissiyasınnan yasalğan belderügä kürä, êpiśentrı Kahramanmaraşnıñ Pazarcık häm Älbistan rayonnarı (ilçäläre) bulğan häm 10 vilayätkä täêsir itkän 7,7 häm 7,6 zurlığındağı cir teträwlär arqasında Awrupa Berlege grajdan saqlanu mexanizmı qısalarında xäzergä qadär 30 êzläw-qotqaru häm mediśina törkeme Türkiyägä cibärelergä tiyış.
Törkemnärdän xäzergä qadär 11e Türkiyägä kilep citte häm qayberäwläre cir teträw iñ küp zıyan kitergän töbäklärdä berençe çara kürüçe törkem bularaq êşçänlegenä başladı.
19ı Awrupa Berlege äğ’zase il belän Montenegro (Qarataw) häm Albaniya belän bergä 21 Awrupa ilennän 1 meñ 200 êzläw-qotqaru wazıyfalısınıñ Türkiyägä cibärelüe yäki cibäreläçäge belderelde.
Bu törkemnärne 79 êzläw-qotqaru êteneñ ozatıp yöriyäçäge iskärtelep uzıldı.
