"Şveśiya saqlanu ministrınıñ Türkiyägä säfären ğamäldän çığardıq”

Türkiyä milli saqlanu ministrı Hulusi Akar Şveśiyäneñ “PKK/YPG” separatist terror oyışması tarafdarlarınıñ ğamällärenä häm Qor’än Kärim provokaśiyäsenä qarşı çaralar kürmäwen tänqıyt’läp, “Şveśiya saqlanu ministrı Pal Djonsonnıñ 27 nçe ğıynwarda Türkiyägä planlaştırılğan säfäreneñ möhimlege dä, mäğ’näse dä qalmadı. Şuña kürä säfärne ğamäldän çığardıq” dide.  

Akar Germaniyäneñ Ramştayn hawa bazasında uzğan Ukraina temalı cıyılıştan soñ belderülär yasadı.  

Ul Şveśiyädä ”PKK/YPG” tarafdarlarınıñ ilbaşı Räcäp Tayyip Ärdoğanğa häm Türkiyägä qarşı provokaśiyälären, Şveśiya poliśiyäseneñ Türkiyä ilçelege aldında Qor’än Kärim yandırılaçaq demonstraśiyägä röxsät birgänen iskä töşerep,” İlbaşıbızğa häm Türkiyägä qarata bu äxlaqsız, cirängeç ğamällärgä bernindi çaralar kürelmäwenä şahit buldıq. Şuña kürä Şveśiya saqlanu ministrınıñ 27 nçe ğıynwardağı Türkiyägä säfäreneñ ähämiyäte dä, mäğ’näse dä yuq. Bez säfärne ğamäldän çığardıq” dide.