"Aşlıq cibärüne başlatıp keşelekne zur krizistan qotqardıq”

İlbaşı Räcäp Tayyip Ärdoğan Türkiyäneñ Ukraina portlarınnan aşlıq cibärüne başlatıp keşelekne zur krizistan qotqaruın belderde.

Ul bu xaqta İstanbulda awıl xucalığı êkosisteması oçraşuında yasağan çığışında citkerde.

İlbaşı tufraqnıñ töp tormış çığanağı bularaq ähämiyäten saqlap qaluına basım yasap :” Bez cirebezne häm igençelärebezne yaqlarğa tiyeşbez. Tufraqnı häm anı êşkärtüçene sanğa suqmaw kiläçäkkä iğ’tibar itmäw digän süz”,- dide.

İlbaşı Ärdoğan investiśiyälär, citeşterü,êksport häm ağımdağı profiśit aşa Türkiyäne üsteräçäklären äytte.

Ul igençelärgä, fermerlarga yärdäm kreditın tormşqa aşıraçaqların da äytep uzdı.

Türkiyä ilbaşı Ärdoğan Rusiya –Ukraina suğışı arqasında Ukraina portlarınnan aşlıq cibärüneñ özelüen, monıñ global’ azıq-tölek belän täêmin itü problemasına kiterüen belderep:”Aşlıq cibärüneñ tuqtap toruı açlıq qurqınıçın tudırdı. Aşlıq cibärüne başlatıp keşelekne zur krizistan qotqardıq”,- dide.