Ärdoğan Somali ilbaşı belän telefonnan söyläşte
Türkiyä ilbaşı söyläşüdä 29 nçı oktyabr’dä Mogadişoda bulğan terror höcümen ğayepläde
Türkiyä ilbaşı Räcäp Tayyip Ärdoğan Somali ilbaşı Xäsän Şäyex Mäxmüt belän telefonnan söyläşte.
İlbaşı idaräseneñ êlemtä bülege xäbär itkänçä, Ärdoğan söyläşüdä 29 nçı oktyabr’dä Mogadişoda bulğan terror höcümen ğayepläde.
Türkiyä ilbaşı älege höcümdä ğomeren yuğaltuçılarğa Allahtan yarlıqaw, yaralanuçılarğa tiz arada sawığuların teläde.
İlbaşı Ärdoğan Somalinıñ terrorğa qarşı köräşenä köçle yaqlaw kürsätüneñ däwam itäçägen, Türkiyäneñ, härwaqıttağıça, Somali xalqınıñ yanında toruın belderde.
29 nçı oktyabr’dä Somali başqalası Mogadişoda bomba töyälgän maşinalar belän oyıştırılğan 2 höcümdä 100 dän artıq keşeneñ ğomere özelgän, kim digändä 300 keşe yaralanğan ide.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä