Çavuşoğlu Êstoniya wäkillegen qabul itte
Türkiyä Tışqı êşlär ministrı Mäwlüt Çavuşoğlu Êstoniya Parlamentınıñ tışqı êşlär komissiyası başlığı Marko Mihkelson citäkçelegendäge wäkillekne qabul itte
Tışqı êşlär ministrı Çavuşoğlu qabul itüdän soñ sośial’ media akkauntınnan yazma belän urtaqlaştı.
“Êstoniya parlamentınıñ tışqı êşlär komissiyası wäkillegen qunaq ittek”, - dip äytüçe ministr Çavuşoğlu wäkillek belän Ukrainadağı soñğı xällärgä tuqtalıp uzuların häm NATOnıñ kiñäyüe turında fiker alışuların belderde.
Şul uq waqıtta Tışqı êşlär ministrı Mäwlüt Çavuşoğlu Äfğanstannıñ êlekke İlbaşı Hamid Karzai, Berläşkän Millätlär Oyışmasınıñ Äfğanstan maxsus wäkile bulıp bilgelängän Qırğızstannıñ êlekke İlbaşı Roza Otunbayıva häm Çexiya tışqı êşlär ministrı Yan Lipavskiy belän ayırım-ayırım telefonnan söyläşte.
Tışqı êşlär ministrlığınnan citkerelgän mäğ’lümatkä kürä, Çavuşoğlu, Otunbayıvanı yaña wazifası uñayınnan täbrik itep, Çexiya wazıyfadaşı belän Awrupa säyäsät cämğıyäte sammitı belän bäyle bularaq söyläşte.
Çavuşoğlunıñ Karzai belän söyläşüeneñ êçtälege turında isä mäğ’lümat birelmäde.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä
