"Awrupa häm Greśiyä, bu ülemnär öçen sez cawaplı”

Türkiye êçke êşlär ministrı Söläyman Soylu Greśiyäneñ kire êtüe arqasında kiçä Muğla sulıqlarında 6 keşeneñ üle gäwdäsen tabu mizgelläre belän bäyle video urtaqlaştı. Tön urtasında yar buyı iminlege komandalığına Marmaris rayonınıñ Qızılborın tiräsendä qotqaru sallarında ber törkem qaçaq buluı turında mäğ’lümat kilep ireşä. Waqıyğa urınına 2 iminlek köçläre köymäse bara. 73 qaçaqnı qotqaralar, 6sınıñ üle gäwdäsen tabıp alalar. Alarnıñ 2se bäbäy, 3se bala häm berse xatın-qız.  

Ministr Soylu sośial’ mediada urtaqlaşqan video yanına bolay dip yaza: “(Awrupa häm Greśiyä) Sezneñ keşelegegezne qahär suqsın. Bu videolarnı birüebez öçen ğafu itegez. Livannan İtaliyägä barırğa telägän möhacirlär häm ğayepsez balalarnı qabat Greśiyä üterde. İke qardäşneñ berse - Asim 9 aylıq, ikençese - Abdulvahap 4 yäşendä ide. Awrupa häm Greśiyä, bu ülemnär öçen sez cawaplı”.