Törkiyäneñ üz iyärçene közen ğalämgä cibäreläçäk
Törkiyäneñ “İmäcä” isemle cirle iyärçene noyabr’dä ğalämgä cibärelergä äzer bulaçaq
Törkiyä sänäğät häm texnologiya ministrı Mostafa Varank Törkiyäneñ ber metrdan da äzräk kürä aluçanlıqqa iyä häm milli küzätü iyärçene “İmäcä”neñ noyabr’ ayında ğalämgä cibärelergä äzer bulaçağın belderde.
Ministr Varank başqala Änkarada USET Ğaläm sistemaları integraśiya häm sınaw üzägendä buldı.
Varank biredä yasağan belderüendä “İmäcä” cirle küzätü iyärçeneneñ Törkiyäneñ yuğarı kürä aluçanlıqlı sürat ixtyacın qanäğätländeräçägen belderde.
İyärçenneñ yaqın waqıtta soñğı sınawlarınıñ ütkäreläçägen häm ğalämgä oçırtıluı öçen Amerika Quşma Ştatlarına cibäreläçäge mäğ’lümaten citkerüçe Varank: "İnşallah, 2023nçe yılnıñ 15nçe ğıynwar’ könne üz cirle häm milli küzätü iyärçenen ğalämgä cibärgän bulırbız”, - dide.
Ğalämnän küzätü yasıy alu häm sürat alu ixtıyacın qanäğätländerüneñ illärneñ milli iminlek strategiyaları belän dä yaqınnan bäyle buluına iğ’tibarnı yünältüçe Varank: "İmäcä” iyärçenendä bez qullanğan kamerağa çit ildän zakaz birergä teläwçe illär bar. Bu iyärçengä oxşaş iyärçennärne bezneñ belän bergä yasarğa, xätta zakaz birergä teläwçe illär bar”, - dip belderde.
