Ğalämgä oçası törek astronavtı bıyıl äzer bulaçaq

Törkiyä ğaläm agentlığı räise Särdar Xösäyen Yıldırım täwge törek astronavtınıñ ğalämğä säfäre kiläse yılda tormışqa aşırılacağın belderde. Ul matbuğat belän oçraşuda bıyıl axırına älege keşeneñ äzer bulaçağın da äytte.

Yıldırım Aynı tikşerü missiyäsendä bulaçaq ğaläm apparatınıñ isä axırğı proyektı iyün’dä tögällänäçägen assızıqladı. “Anıñ berençe proyektı äzer ide. Xäzer sonğı proyektı da tögällänü aldında. Annarı tözü başlanaçaq,”-dide ul. Yıldırım älege ğaläm apparatınıñ yulçılıqqa 2024nçe yılda çığaçağın äytte.

“Motorı cirle. Bu apparatnıñ bik ähämiyätle öleşe. Yäğ’ni anı Ayğa mengerä torğan êtärgeç biräçäk motor - 100% üzebezdä yasalğan raketa motorı. Anıñ soñğı test êşçänlekläre bik uñışlı ütte. Ğaläm motorı xälenä kiterelä. Älbättä monıñ äle prośessı bara. Törle formalarda sınalaçaq. Bu testlarda bez dä qatnaşabız häm bik yaxşı ütüen şatlanıp äytäm. Gibrid texnologiyäsendä bez dön’yada lider,”-dip söyläde Törkiyä ğaläm agentlığı räise Särdar Xösäyen Yıldırım.