"Xaqıyqat’ne çağıldırmawçı xikӓyӓlӓrneň bezneň öçen dӓ, xaqıyqat’ öçen dӓ bernindi ӓhӓmiyӓte yuq"

Törkiyӓ ilbaşı idarӓseneň êlemtӓ bülege başlığı Fӓxrettin Altun Ӓnkarada uzğan “Xalıqara xoquq hӓm tarix perspektivasınnan 1915 nçe yıl waqıyğaları” isemle konferenśiya açılışında qatnaşıp çığış yasadı.

Ul üz çığışında tübӓndӓgelӓrne citkerde:

“Tarixnı bozuğa hӓm annan faydalanuğa nigezlӓngӓn xaqıyqat’ne çağıldırmawçı xikӓyӓlӓrneň bezneň öçen dӓ, xaqıyqat’ öçen dӓ bernindi ӓhӓmiyӓte yuq.

İň möhime – ğadellek hӓm xaqıyqat’neň aqılda hӓm yörӓktӓ buluı, törek hӓm ӓrmӓn xalıqlarınıň urtaq kilӓçӓgeneň xaqıyqat’ nurı belӓn yaqtırtıluı.

Törkiyӓ bularaq bez hӓrwaqıt xaq-xoquq hӓm xaqıyqat’ne köçle rӓweştӓ yaqlawnı dӓwam itӓçӓkbez.

Genośid kebek waqıyğa berqayçan da bulmağan.

1915 nçe yılğı waqıyğalar tarix hӓm fӓn teması bulırğa tiyeş bulsa da, inde 100 yıldan artıq waqıt uzuğa qaramastan, haman da sӓyӓsӓt teması bulıp qala birӓ.

Tarixi faktlarnı sӓyӓsi kon’yukturanıň tar mӓnfӓğӓt’lӓre öçen qullanırğa yaramıy.

Üzlӓreneň pıçraq tarixların aqlar öçen urtaq tarixıbıznı bozuçılarnıň qarşında torabız. Monı bik açıq itep ӓytӓsem kilӓ”.