Çavuşoğlu Paqıstanda
Törkiyä Tışqı êşlär ministrı Mäwlüt Çavuşoğlu Paqıstan başqalası İslamabadta İslam xezmättäşlek oyışması cıyılışında qatnaşa
Mäwlüt Çavuşoğlu Berläşkän Ğaräp Ämirlekläre säfärennän soñ İslam xezmättäşlek oyışmasınıñ 48nçe tışqı êşlär ministrları şurası cıyılışında qatnaşu öçen düşämbe könne İslamabadqa kitte.
Cıyılış aldınnan Paqıstan tışqı êşlär ministrı Şax Mäxmüd Kuräyşi tarafınnan qarşı alınğan Çavuşoğlu wazıyfadaşı belän söyläşte.
Çavuşoğlu biredäge ike yaqlı oçraşuları qısalarında Törekmänstan tışqı êşlär ministrı Raşid Märädov belän küreşep söyläşte.
Çavuşoğlu Tayland tışqı êşlär ministrı Don Pramudwinai belän dä küreşep söyläşte.
Sośial’ media akkauntınnan söyläşü belän bäyle bularaq urtaqlaşqan yazmasında ministr Çavuşoğlu: “Tayland tışqı êşlär ministrı Don Pramudwinai belän kön tärtibebezdäge xezmättäşlek mäs’älälären quzğattıq”, - dip äytte.
Tön’yaq Kipr Törek Cömhüriyäte tışqı êşlär ministrı Tahsin Ärtuğruloğlu belän dä oçraşqan Çavuşoğlu urtaqlaşqan yazmasında: “Bez härwaqıt Kipr törekläre belän bergä”, - dip belderde.
