Törkiyädä tuğan xatın-qız NASA astronavtı bulaçaq

NASA saylap alğan astronavtlıqqa kandidatlar arasında Törkiyäneñ Adana töbägendä tuğan xatın-qız da bar - AQŞnıñ xärbi flotında xezmät itüçe Deniz Bêrnxem. Ul 12 meñ keşe arasınnan “Astronavtlıqqa kandidat programması”na saylanğan 6 ir-at häm 4 xatın-qız arasına kerügä ireşä.

36 yäş’lek Bêrnxem Adanadağı İncirlik xärbi bazasında xezmät itüçe amerikalı xärbi ğailäsendä tua. Ul Kaliforniyada ximiyä häm maşina tözeleşe injeneriyäse buyınça uqıy. Ozaq yıllar ênergetika mäydanında êşläp bik küp neft’ borawlaw proyektın alıp bara, xobbi bularaq isä diñgez oçqıçınnan başlap boralaq häm motorsız planyerlarğa qadär şaqtıy tördäge texnikanı qullana.

Bêrnxem student çorında Kaliforniyadağı NASA tikşerenü üzägendä stajer da bula. Ul saylanğan 9 kandidat belän bergä 2022nçe yılnıñ ğıynvarınnan başlap 2 yıl buyı intensiv räweştä astronavtlıqqa öyrätü uzaçaq.