"Törkiyӓ xӓrbi hӓm saqlanu tarmaqlarında da köçle bulırğa tiyeş"

 Törkiyӓ ilbaşı Rӓcӓp Tayyip Ӓrdoğan “Mavi Vatan” (Zӓňgӓr Watan”) taktik künegülӓrenӓ Vahdettin sarayınnan turıdan - turı êfirda qatnaştı.

Ul biredӓ yasağan çığışında: “Bez üzebezneň milli hӓm cirle qoral sistemalarıbıznı bıyıl tağın da köçlerӓk, kiňrӓk künegülӓr belӓn sınap qarıybız”,- dide.

İlbaşı Törkiyӓneň iq’tisadi hӓm sӓyӓsi yaqtan ğına tügel, xӓrbi hӓm saqlanu tarmağında da köçle bulırğa tiyeşlegen assızıqladı.

Ӓrdoğan köçle diňgez flotına iyӓ bulunıň saylap aludan bigrӓk mӓcbürilek, kirӓklelek buluın belderep,” Bezgӓ ber genӓ ilneň dӓ cirlӓre, diňgeze, möstӓqil’lege kirӓkmi. Bez üz Watanıbız hӓm xoquqlarıbıznı saqlarğa tırışabız” dide.

İlbaşı üz çığışında Törkiyӓneň keşesez hawa apparatları yağınnan dönyanıň iň yaxşı 3-4 ilennӓn berse buluın assızıqladı.

Ӓrdoğan: “Törkiyӓne, hӓr ölkӓdӓge kebek, diňgezçelektӓ dӓ iň aldınğılar isemlegenӓ kertü öçen tırışabız. Diňgezlӓrgӓ xakim bulğan , dönyağa xakim bulır. Mondıy ışanu belӓn Diňgez köçlӓren üsterügӓ, kamillӓşterügӓ  zur ӓhӓmiyӓt birӓbez. Törkiyӓ üz xӓrbi köymӓbezne proyektlıy, tözi ala torğan 10 il êçendӓ urın ala”- dide.