Törkiyädä böyek yulbaşçınıñ ülemeneñ 80 yıllığı bilgeläp ütelä

Bügen – 10 nçı noyabr’.

Törkiyä Cömhüriyäten tözüçe olı yulbaşçı Mostafa Kämal Atatörekneñ ülemeneñ 80 yıllığı bilgeläp ütelä.

Bu qısada Törkiyädä häm dönyada iskä alu çaraları ütkärelä.

Başqala Änkarada berençe çara Anıtqaberdä uzdı.

Törkiyä ilbaşı Räcäp Tayyip Ärdoğan räislegendäge däwlät räsmi zatları Atatörek mavzoleyına çäçäklär quydı ,böyek yulbaşçını 1 minut tınlıq belän iskä aldı.

İlbaşı Anıtqaber maxsus däftären imzaladı häm anda tübändäge yullarnı yazdı:”Cömhüriyätebezgä nigez saluçı ğaziz Atatörekne ülemeneñ 80 yıllığında räxmät xisläre belän iskä alabız. Törkiyä Cömhüriyätenä qarata höcümnärgä qaramastan anı dönyanıñ iñ köçle däwlätlärennän bersenä äwerelderü yulında nıqlı adımnar belän alğa barabız. Cömhüriyätneñ 95 yıllığında İstanbul hawa mäydanınıñ açılışın yasadıq. Ul xalqıbıznıñ ğorurlığı bularaq tarix bitlärenä kerep qaldı”.

İstanbuldağı iskä alu çaralarınıñ üzäge isä Atatörek 1938 nçe yılda mäñgelekkä küzlären yomğan Dolmabahçä sarayı ide.

Olısı-keçese yözlärçä keşe qullarına Törkiyä bayrağı totıp Atatörekne iskä alu öçen Dolmabahçä sarayına kilde.

İlneñ här poçmağında böyek yulbaşçını iskä alu öçen xalıq mäydannarğa ağıldı.

Anı 1 minut tınlıq belän iskä aldılar häm mäydannarda Törkiyaneñ milli gimnı-Bäysezlek marşı yañğıradı.