“Bayraktar TB2” 400 meñ oçış säğäten uñışlı tämamladı
Törkiyäneñ berençe milli häm original’ keşesez qorallı hawa apparatı “Bayraktar TB2”, 400 meñ oçış säğäten uñışlı tämamlap, törek aviaśiya tarixında yaña rekord quydı
“Baykar”dan yasalğan belderügä kürä, “Bayraktar TB2” tağın möhim ber êtabın uzdı.
“Bayraktar TB2” keşesez qorallı hawa apparatı sisteması, törek aviaśiya tarixında täwge tapqır 400 meñ oçış säğäten uñışlı tämamlap, kük yözendä iñ ozaq waqıt buyı wazıyfa başqarğan milli hawa apparatı buldı.
“Baykar” tarafınnan qamilläşterelgän, texnik üzençälekläre häm qatnaşqan operaśiyäläre bäyälängän çaqta üz kategoriyasında dönyanıñ iñ yaxşısı bulğan milli keşesez hawa apparatı “Bayraktar TB2” 2014nçe yılda Törek qorallı köçläreneñ inventarenä kerde.
2015nçe yılda qorallandırılğan keşesez hawa apparatı xäzerge waqıtta Törek qorallı köçläre, Jandarmeriya ğomum citäkçelege, İminlek ğomum mödirlege häm Milli küzläw oyışması tarafınnan operativ bularaq qullanıla.
“Bayraktar TB2” keşesez qorallı hawa apparatı 2014nçe yıldan birle iminlek köçläreneñ ildä häm çit ildä terrorçılıq belän köräşendä êffektiv bularaq wazıyfa başqara.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte
