“Awrupa Berlegen Kipr çınbarlığı belän bäyläneştä tügel”

Tışqı êşlär ministrlığı süzçese Tanju Bilgiç Awrupa Berlege tışqı mönäsäbätlär häm iminlek säyäsäte yuğatı wäkile häm Awrupa Berlege komissiyası başlığı urınbasarı Josep Borrellneñ İlbaşı Räcäp Tayyip Ärdoğannıñ Tön’yaq Kipr Törek Cömhüriyäte säfärennän soñ yasağan belderüe belän bäyle bularaq:

"Belderü Awrupa Berlegeneñ Kipr mäs’äläsendä çınbarlıq belän ni çaqlı bäyläneştä bulmawnıñ yaña ber dälile”, - dip bäyäläw yasadı.

Bilgiç Borrellneñ yañadan açıluına qarar qılınğan Maraş belän bäyle açıqlawına qarata sorawğa yazma cawap birde.

Belderüneñ Awrupa Berlege teläktäşlege isemennän yasaluın häm yuq xökemendä buluın iskärtep uzuçı Bilgiç:

"Borrellneñ xörmätle İlbaşıbıznıñ Tön’yaq Kipr Törek Cömhüriyäte säfärennän soñ yasağan belderü Awrupa Berlegeneñ Kipr mäs’äläsendä çınbarlıq belän bäyläneşeneñ bulmawnıñ yaña dälile. Barı tik Awrupa Berlege teläktäşlege öçen yasalğan häm bezneñ öçen yuq dip isäplänelgän bu açıqlaw Awrupa Berlege êçendä veto xoquqın naçar niyättä qullanğan Kön’yaq Kipr grek citäkçelege belän Greśiyanıñ süzçelegen häm avdokatlığın yasawdan başqa närsä tügel. Awrupa Berlegeneñ şuşı totışı belän Kipr mäs’äläseneñ çişeleşendä hiçber uñay rol’ uynawı mömkin tügel”, - dip äytte.

Törkiyäneñ Tön’yaq Kipr Törek Cömhüriyäteneñ Maraş mäs’äläsendä qabul itkän qararların tulısınça yaqlawına basım yasawçı Bilgiç: "Bu qararlar Maraşta milek xucalarınıñ xoquqların saqlawğa da qarıy. Xörmätle İlbaşıbız da äytep uzğanı kebek, bu qararlar yaña zıyannı tudırmayaçaq, êlekke zararnı beteräçäk”, - dip äytte.

Bilgiç belderüdä Awrupa Berlegen Kiprdağı çınbarlıqlarnı kürergä häm: "Kipr töreklären häm xoquqların yuq dip isäpläwçe säyäsäten” beterergä çaqırdı.